26.03.2007
NC Lillehammr
Olav Brendehaug har sendt oss flott bilete frå Norgescupen og rapportert dette:

25.03.2007
Gildecup i Vik
I dag var det avslutning i Gildecupen samstundes som det var hopprenn på Kålsete i Vik. Tor Øyvind viste at han beherska begge disiplinar og HOPPA over målstreken!!!

13.03.2007
Hovudlandsrennet
Linn Kathrin gjorde et best av NTS sine løparar idag med ein imponerande 4.plass. Elles konm Christoffer på 24.plass Tor Martin på 47.pass, Runar på 82.plass, Dan Jøran på 88.plass, Espen 101.plass, Sindre på 107.plass og Gisle på 117.plass i klasse 15 år. Jørgen Marius kom inn på ein sterk 17.plass, Kjetil på 19.plass, Einar på 57.pass, Ivar på 77.plass, Arne på 83.plass, Olav på 94.plass, Bjørn Erik på 100.plass og Tor Øyvind å 109.plass. Resultatliste finn du på www.skiskyting.no/sognogfjordane Sjå HL-sida vår med bilete. Her er dårleg nett, så det vert ikkje så mange no...

09.03.2007
Young Star

Då er Bjørn Erik Henden og Linn Kathrin Bakke frå Nordfjord Team Skiskyting på veg til Young Star i Holmenkollen. Vi ynskjer dei lukke og hell! Følg dei på TV laurdag 11. mars!

08.03.2007
Kjemperesultat i Junior-VM!!!
Olav Brendehaug har sendt oss resultat og bilete frå dag 1:

Eline nr 3, Kenneth nr 4, Marianne nr 9, Arild og Sigrid nr 12, Magnus nr 23, Silje Elin nr 26, Anders nr 27, Jens Einar nr 34, Hans Erik nr 48 og Eirik nr 79. Tarjei går junior-VM langenn medan Knut Helge diverre er sjuk. Alle er ekstra nøgde med maten, sjå bilete nedanfor og medlemsbloggen! Komplett resultatliste her.

Eline Fannemel

Landslagskokk Torbjørg Haugen sørger for rikeleg med mat både seint og tidleg. Sjå blogg! Elles er det uvisst kvifor ho brukar T-skjorte det står SURDAL på!

05.03.2007
NM junior flytta til Vossestrand
Det er no vedtatt at junior-NM vert flytta til Myrkdalen ved Voss. Myrkdalen har 2 meter snø og fine forhold. Meisterskapen vil starte som planlagt med trening og lagleiarmøte onsdag og normalprogram torsdag. Meir info her.

Skiskyttarforbundet og kretsane har fått ny design på heimesidene sine. Eg har latt meg inspirere av dette og laga ny utsjånad på våre heimesider. Vil vone endringane fell i smak!
Nils Ola

01.03.2007
Ikkje skiskyting:
Rand skyttarlag arrangerer Landsdelskretsstevne i skifeltskyting for Fjordane landsdelskrets den 4 mars. Innbyding her.

11.02.2007
Nordisk Skitreff / jaktstart
Nordfjordteam sopa med seg det meste denne dagen og: Førsteplass til Linn Kathrin og Bjørn Erik, andre til Kjetil, tredje til Einar og sjette til Arne Stevelin. FANTASTISK! Resultatliste: Sjå http://www.voss-skiskyttarlag.com/  Dette er det andre av 6 renn som tel med i uttak til Young Star. Takk til Odd Helge som har sendt oss bilete frå renna!

Arne Stevelin, Kjetil, Bjørn Erik, Einar og Linn Kathrin leverte fantastiske prestasjonar!
Fleire bilete i biletarkivet vårt!

10. og 11.02.2007
Krinsrenn Hardbagg og Hornindal
Ingen har sendt resultatlister (gjer det då! nils.ola@frisurf.no ), men Ivar vann i alle høve førsteplassen i si klasse begge dagane. Skal legge ut bilete i løpet av ein dag eller to!

10.02.2007
Nordisk Skitreff på Voss
Det er berre å bøye seg i støvet her! Førsteplass til Linn Kathrin og Bjørn Erik, andreplass til Einar, tredje til Kjetil og 7. til Arne Stevelin i eit renn i Hordaland! Du finn resultata her: http://www.voss-skiskyttarlag.com/ Dette er det første av 6 renn som tel med i uttak til Young Star. No ventar vi i "angst og bever" på jaktstarten idag!

03.02.2007
NC Steinkjer
Olav Brendehaug held oss orienterte med tekst og bilete. Komplett resultatliste finn du her. Nye bilete frå Steinkjer i biletarkivet!

Her ei oppsummering frå dag 1: Sender nokre ord frå oss, kort rapport frå NC Steinkjer.
Kjempeinnsats av Eline. Ho gikk inn til ein andreplass på sprinten og har dermed eit godt utgangspunkt til jaktstarten i mårå. Kenneth blei nr 11 i sin klasse. Knut Helge nr 26. Jens Einar nr. 33. Marianne kom inn til 11. plass i si klasse. Eirik Bøe nr 52 i kl. M17 år. I klasse M 20-21 blei Magnus nr. 16 og Anders nr 25. Arild blei nr. 20. Sigrid nr 18 og Silje Elin nr 28. Merete blei nr 7 i klasse K sen.
Vi har hatt ein fin dag her oppe. Det har vore mildt med litt vind. Det var litt vanskelege løyper med mjukt i bakkane og hardt på flatene. Vi gledar oss til i mårå.

Eline kan vere mektig stolt idag!


NTS sin velkjende buss er på plass!
Helsing Olav 

02.02.2007
Endringar i terminlista
Rennet som skulle arrangerast av Syril går i staden på Ålandsleitet, Hardbagg 3. februar. Dette rennet tel med i Krinscupen i staden for rennet som måtte avlysast i romjula. Det er også endringar på renna 17. og 18. februar i Vik, sjå terminlista. Desse renna tel med som uttaking til "Young Star". KM den 18. vert endra til krinsrenn. Det er sett opp stafett på Stårheim 10. mars, dette vert KM i staden for krinsrenn.

Alle desse endringane er markerte med blå bakgrunnsfarge i terminlista. (Denne finn du her.)

Styret i skiskyttarkrinsen
v. Marit Hjelle

31.01.2007
GRATULERER TARJEI OG RONNY MED HEILT FANTASTISKE RESULTAT!
Webmaster gratulerer dykk begge på vegne av heile skiskyttarmiljøet i Fjordfylket!

30.01.2007
Resultat Kvalfossprinten
Einar og Linn var dei av NTS sine skiskyttarar som gjorde det best i dette rennet. Sjekk biletarkivet! Resultata er lagde ut her. 

Her går Einar i mål på ein fantastisk 4.plass søndag. Mange fleire nye bilete i biletarkivet!

22.01.2007
Resultat KM Harpefossen 20.  og 21. januar
finn du på www.starheimsbygda.no/ski NTS noterte seg for svært mange sterke resultat. Bileta må eg vente litt med, men eindel er lagde ut på lenka over og på sidene til skiskyttarkrinsen.

18.01.2007

NTS gratulerer Ronny Hafsås med ein fantastisk 5. plass i NM langrenn i Meråker!


 

16.01.2007
KM på Harpefossen 20. og 21. januar
Renna går som planlagt. Info om renna finn du på
www.starheimsbygda.no/ski