Young Star-samling / trenar 2-kurs på Ullsheim
 Publisert 26. juni 2011
Denne helga var det samling og flittig bruk av den flotte, nye rulleskibana på Ullsheim. Dei omlag 30 deltakarane kom frå Hordaland, Møre og Fjordfylket. Marit og Nils Ola tok bilete som du kan sjå her. Erik Vangsnes tok også bilete som vi legg ut seinare.

Frå grillfesten laurdagskvelden - Monica Halsteinslid. Foto: Marit Hjelle
 

Årsmøte i Sogn og Fjordane skiskyttarkrins
 Publisert 14. juni 2011
På årsmøtet til skiskyttarkrinsen 1. juni gjekk Ingar Breilid gjennom Idrettskrinsen sine satsingar for komande sesong. Elles var det vanlege årsmøtesaker. Sidan mange gjekk ut av og inn i styret, vart det utveksla ei betydeleg mengde blomar. Mellom anna gjekk Marit Hjelle av etter 6 år som leiar for skiskyttarkrinsen. Leiv Tvinnereim frå Hardbagg overtok dette ærefulle, men svært arbeidskrevjande vervet. Gratulerer og lukke til! Du kan sjå bilete frå krinsårsmøtet her.

Leiv Tvinnereim er nyvald leiar for Sogn og Fjordane skiskyttarkrins. Tidlegare leiar Marit Hjelle til høgre.
 
Årsmøte TSN
 Publisert 14. juni 2011
På årsmøtet i TSN i Honndalen 26. mai Viste Vebjørn bilete frå ein fantastisk sesong. Krinsleiar Marit Hjelle var og til stades. Ho roste teamet og leiinga for arbeidet og fantastiske resultat. Ho overrekte og ein bukett blomar til leiar Kjetil med takk for innsatsen frå skiskyttarkrinsen. Vevmeister som takka av etter å ha hatt ansvaret for desse sidene sidan starten, fekk ein kjempefin ryggsekk som allereie er tatt i bruk. TUSEN TAKK! Sjå bilete frå årsmøtet her.
 
Asfaltering Ullsheim
 Publisert 13. juni 2011
Veidekke og entrepenør Arvid Hatledal AS er snart ferdige med rulleskibana på Ullsheim. Ein ca 4 km lang trase i flott terreng vert i disse regnfulle dagar asfaltert og ferdigstillt. I tillegg til ny rulleskibane vert også standplass og blinkar oppgraderte til vinterens Junior NM i skiskyting, melder John Roger Meland.




 
Junior-NM til Markane i 2012!
 Publisert 21. mai 2011
Då Hopstock Hotell brann og Vik IL måtte trekke seg frå å arrangere NM junior sesongen 2012/13, vart meister-skapen lyst ut på nytt. Her kunne heile organisasjonen søke.
Styret i Norges Skiskytterforbund vedtok 20. mai at Markane IL vert tildelt NM junior i 2012 under føresetnad av at anlegget vert utvida frå 25 til 30 skiver. Vi gratulerer!
Nye kontraktskjema
 Publisert 21. april 2011
Til alle løparane: Det ligg no kontraktskjema for sesongen 2011-12 i menyen til venstre. Styret tek atterhald om prisane. Dei er det årsmøtet 26. mai som vedtek. Vi bed dykk sende inn kontraktane innan 1. mai 2011.  
Bendit Liatoppen
 Publisert 10. april 2011
Søndag 10. april vart Isak og Andrea nr. 1, Mari nr. 3, Lars nr. 6 og Aksel nr. 6. Og dette var berre dei som kom i mål mellom dei 10 beste! Sjå fullstendige resultat her. Takk for flotte bilete, Sigbjørn! Lenke til Sigbjørn sine bilete frå søndag.

Isak øverst på pallen! Foto: Sigbjørn Myklebust.
Mari og Andrea gjorde det knallbra! Foto: Sigbjørn Myklebust

Laurdag 9. april dundra Johan Eirik like godt inn til nok ein førsteplass medan Heidi vart nr. 6 og Vebjørn nr. 40. Komplett (men framleis uoffisiell) resultatliste finn du her. Lenke til Sigbjørn sitt fotoalbum.
 
Fredag 8. april gjekk Larsenstafetten av stabelen. I G11-12 vart Markane sitt lag nr. 4. I G13-16 vart Stårheim sine lag nr. 16 og 58, Markane sine lag kom inn som nr. 25 og 66. Under Mix 11-12 vart Stårheim sine lag nr. 6 og 19. Her er resultata for dei yngste.
17-årsklassane hadde fellesstart denne dagen. Her vart Johan Eirik frå Markane nr. 1 og Heidi frå Stårheim nr. 4. Bra jobba! Her er resultata for dei eldste. Lenke til Sigbjørn sitt fotoalbum.

Her kjem Johan Eirik! Foto: Sigbjørn Myklebust
 
Beste klubb i NC!
 Publisert 05. april 2011
Markane IL sanka mest Norgescup poeng av alle klubbane i Norge denne sesongen. Du finn meir om dette her. Gratulerer!
 
NC5 Dombås
 Publisert 28. mars 2011

Her er det ingen rom for tvil: Team Statkraft Nordfjord har nokre av dei beste skiskyttarane i landet! Vevmeister finn det heilt unødvendig å kommentere dette utover biletet over...
På supersprinten 25. mars vart Johannes nr. 1, Pål Andre nr.4, Isak F nr.11, Jarle nr. 24 og Geir Olav nr. 28 i klasse M18. I M19 vart Espen nr. 28. Merete vart nr. 20 i K18 og i K17 vart Emilie nr. 10, Helene nr. 12, Heidi nr. 19, Anja Bertine nr. 20 og Janne nr. 28. M17: Johan Eirik nr. 5 og Vebjørn nr. 18!
 
På mix-stafetten 26. mars 17-19 år vart Sogn og Fjordane sitt 1.lag nr. 2, 2.laget vart nr. 4, 3.laget nr. 9 og 4.laget vart nr. 28! Og på mix 17-21 år vart Sogn og Fjordane sitt førstelag nr. 7 og andrelaget nr 20!
 
Samanlagt i juniorcupen denne sesongen vann Johan Eirik M17 og Johannes M18 med kjempemargin! Elles hadde TSN ei rekke andre, gode plasseringar. Etter mykje leiting fann eg oversynet her ;-)

Og på fellesstarten 27. mars vart det 2.plass til Johan Eirik, 1.plass til Johannes, 5.plass til Jarle, 6.plass til Helene, 8.plass til Emilie og 9.plass til Heidi for å nemne dei aller beste. Du finn alle resultata frå NC5 her. John Roger har sendt oss flotte bilete som du kan sjå her. Tusen takk!
  
Tarjei best i verda!
 Publisert 23. mars 2011
 VI GRATULERER TARJEI MED SAMANLAGT-SIGEREN I VERDSCUPEN!
  
Resultat og videoar Young Star
 Publisert 23. mars 2011
Gratulerer til alle de som deltok i Young Star i Holmenkollen! Sogn og Fjordane har ALDRI sendt så mange deltakarar til dette arrangementet før! Isak vart ein suveren vinnar, men vi vil tru det var ei sterk oppleving for alle deltakarane våre å få gå i sjølvaste Kollen. Klikk på den flotte gjengen til høgre for å sjå krinsleiar Marit sine bilete frå Young Star! Nedanfor kan du sjå videosnuttane ho tok frå dei to konkurransane.		  

 
Resultat og bilete frå Harpefossen
 Publisert 23. mars 2011
Dette vert gamalt nytt, men likevel: Resultat krinscup 19. mars, sprint 20. mars og jaktstart 20. mars.  Rune Otterdal har sendt oss flotte bilete frå søndag, dei kan du sjå her. Tusen takk! Dette var dei siste renna i Fjordfylket denne sesongen.
 
KR sprint og KM stafett Sunnylven
 Publisert 13. mars 2011
Her er stafettresultata, ein kan trygt seie at TSN hadde ein god dag!!!  Og her ligg det eit album med 170 bilete. Bak kameraet i dag: Nora Hjelle Strand :-)
Kos dykk med denne uredigerte filmen eg tok opp før, under og etter KM i dag!



Resultata frå sprint laurdag finn du her. Det er ein feil i resultatliste for Kvinner 17 år. Janne Alsaker, Markane IL har feilaktig fått 3 min i tillegg for forlite gått strsfferunder. Rett plasering er nr 4 med tida 32. 06 (3-1).
 
Individuelt VM-gull til Tarjei!!!
 Publisert 08. mars 2011
Fem millionar gratulasjonar frå alle vi veit om i Fjordfylket, Skiskyttarkrinsen og Furet Værbitt!!!

Foto: Asgeir Årdal
 
Fantastisk Junior-NM Drangedal!
 Publisert 07. mars 2011
TSN viste igjen at dette er eit team som har skiskyttarar mellom dei aller beste i Noreg. På NM Junior Normal 3. mars vart Johannes nr. 1, Vebjørn nr. 2, Johan Eirik nr. 6, Helene nr. 7 og Pål Andre nr. 7. Kompletter resultat her.
På NM Junior Sprint 5. mars vart Johannes nr. 1, Jarle nr. 2 og Sigrid nr. 5! Sprintresultata er her. På NM Junior Stafett søndag 06.03.11 vart Sogn og Fjordane sitt førstelag med Sigrid, Heidi og Helene nr. 7 med skyteresultat 0-0-0-0-0-0 i klasse K17-21. I klasse M17-19 vart Fylkeslag 1 med Jarle, Ole Martin Erdal (Førde), Håvard Gutubø Bogetveit (Førde) og Johannes nr. 2! Alle stafettresultata finn du her. Dette er fantastistiske resultat, både teamleiing og skiskyttarkrins gratulerer!
Om nokon var med og tok bilete, ville vi setje stor pris på å få dei på epost nils.ola@frisurf.no ;-)
 
  Bilete frå HL stafett søndag
 Publisert 02. mars 2011
Her kjem eit utval av bileta Sigbjørn knipsa under og etter stafetten laurdag. Klikk på dei tre smilande jentene til høgre! Og resultat-listene finn du her.
Bilete frå HL laurdag
 Publisert 27. februar 2011
 Sigbjørn måtte vere oppe til langt på natt for å sende oss bilete frå renna og festen laurdag. Og som vanleg når nokon i teamet får medalje, legg vi bileta ut i ekstra god kvalitet. Sjå albumet her. No ventar vi spent på korleis stafetten fyk av seg! Du finn både live-resultat og nett-TV på http://hl2011.no/
I stafetten stiller Sogn og Fjordane 4 reine fylkeslag og deltar på eitt mixlag saman med Hordaland.
     
HL Trondhjems SK - Saupstad
Publisert 26. februar 2011
I dag har Isak vist alle at han er Noreg sin dyktigaste 16.-åring i sprint. Han spurta i mål 33 sekund før nestemann. Gratulerer!!! Sjå gjerne Fjordabladet! Resultatlistene frå laurdag finn du her.
Foto: Sigbjørn Myklebust
 
HL Trondhjems SK - Saupstad
 Publisert 25. februar 2011
 Sigbjørn melder frå Trondheim at dei har feira Andrea og Lars med kake i kveld. Han har sendt oss masse flotte bilete og. Takk! Vi her heime feirar dagen med å legge ut bileta i full oppløysing :-) Klikk på den smilande gjengen til høgre og sjå!
Endringar i terminlista
 Publisert 25. februar 2011
Krinsstyret har bestemt at i staden for den oppsette jaktstarten i Sunnylven søndag 13. mars, vert det KM stafett. Sprintrennet laurdag 12. mars skal telje med i krinscupen. Det vert sendt ut meir info om dette i invitasjonen frå Sunnylven IL. Endringane står i rosa ruter i terminlista.
  
HL Trondhjems SK - Saupstad
 Publisert 25. februar 2011
Her kjem pallbilete av den nybakte Noregsmeisteren Lars som like godt skaut feilfritt i dag. Andrea vart nr. 2 og Mari nr. 4. Isak kom inn på 13.-plass, Fredrik vart nr. 28, Kristin nr. 38, Erlend nr. 56, Jørn nr.74 og Georg Kristian vart nummer 82. I tillegg er det gledeleg å sjå at skiskyttarane Inga Elise, Helge og Trygve frå Sunnylven har oppnådd flotte resultat i det første hovudlandsrennet dei deltek på. Dei vart høvesvis nr. 30, 31 og 39. Gratulerer til dykk alle! Aina Sofie er ikkje i toppform og stiller derfor ikkje til start denne helga. Du finn dagens resultat her.

Takk til Sigbjørn for biletservice!
 
NC/NM Fet
 Publisert 21. februar 2011
Endå ein gong er det berre å ta av seg hatt og hue for å gratulere TSN sine skiskyttarar med strålande resultat under det tredje rennet i Noregscupen og NM jaktstart denne sesongen.
På laurdag var det Johan Eirik og Jarle som gjorde det aller best med kvar sin 2.plass medan Heidi var 2 små sekund frå ein 3.plass. Magne har sendt oss mange bilete frå laurdagen som du kan sjå her.
Søndag klinka Johan Eirik og Jarle til igjen med kvar sin 1.plass, medan det var Sigrid sin tur til å kome EITT sekund for seint til ein 3.plass i jakstarten... Over 200 bilete frå NM søndag ser du her. Uendeleg mange takk til fotograf Magne! NB: Alle bileta er lagde ut i full oppløysing!
Resultata laurdag finn du her og søndagsresultata kan du sjå her.
 

Stolt Noregsmeister! Foto: Magne Hjelle
 
Bilete frå KM Harpefossen 14. februar
 Publisert 19. februar 2011
Vi har vore så heldige å få oversendt bilete frå Yngve Tolaas i Fjordabladet frå rennet på Harpefossen sist søndag. Desse bileta får vi bruke og laste ned fritt. Derfor legg vi dei ut i full oppløysing denne gongen. Klikk på biletet av klassevinnar Mari til høgre og sjå webalbumet!
Tusen takk til Yngve og Fjordabladet for flotte bilete!
 

Gull og sølv til Johannes!
 Publisert 18. februar 2011
VI GRATULERER JOHANNES MED FABELAKTIGE RESULTAT I EUROPEISK UNGDOMS-OL:
SØLV PÅ NORMALEN OG GULL PÅ SPRINTEN. Helsing styret i Team Statkraft Nordfjord.
Resultatliste normal: Klikk her! Resultatliste sprint: Klikk her!
Johannes Thingnes Bø på toppen av pallen i Liberec. Foto: Thomas Aabø.
Sjå meir om dette i Fjordingen.
 
KM Harpefossen Normal
 Publisert 13. februar 2011
I dag var det mildare på Harpefossen slik at Normalen kunne arrangerast. "Vi hadde ein flott dag i sola i dag. Berre synd at det vart so mange forfall. Hovudgrunnen var vel at folk fraus i går og ikkje hadde trua på at det skulle verte betre i dag" seier Nils Magne Nedreberg, leiar i Stårheim IL Skiskyting.
Her er i alle fall resultatlista. Einaste ugla i dag gjekk til Fredrik Munch STARHEIM. Det var lite vind, men sterkt sollys kan ha vore medverkande til skyteresultat litt under middels for dei fleste.
 


Foto: www.harpefossen.no

KM Harpefossen Normal er utsett
 Publisert 12. februar 2011
Med 15 kalde grader på standplass og -17 ute i løypa, måtte meisterskapen laurdag utsetjast. KM Normaldistanse vert i staden sett opp søndag 13. februar dersom temperaturtilhøva tillet det.

Ikkje skiskyting:
 Sit du inne og kjedar deg? Tips: Høyr heller på god musikk frå gamle vener! Eks-skiskyttarane Espen og Arne i The Last Province ligg på 3.-5. og 9.-plass på NRK P3 Urørt si Indierock-liste denne veka!
 
Lansdelsmeisterskap Ullsheim
 Publisert 08. februar 2011
Aller først: No er nettstaden vår på lufta igjen på flunkande ny, betre og raskare server. Stor takk til InMedia som held oss med kostnadsfri nettstad og hjelper oss raskt når uventa ting skjer!
Lansdelsmeisterskapen på Ullsheim denne helga vart som vanleg eit godt gjennomført arrangement med meir enn 200 startande begge dagane. Krinsleiaren syntest i tillegg at det gjekk hardt ut over uglebestanden. Det er bra at så mange skyt fulle hus!
Resultata frå laurdag ligg her, søndagsresultata finn du her. Krinsleiar Marit delte ikkje berre ut medaljar og ugler. Laurdag tok ho nesten 70 bilete som ho gjerne deler med deg. Derfor legg vi dei ut i retteleg god oppløysing, klikk på hatten til Asgeir og VIPS....
 		  


Mann i hatt
Kvalfossprinten
 Publisert 31. januar 2011
Gratulerer med fantastiske resultat! Du finn alle resultata her. Spesiell gratulasjon til Aina Sofie og Isak som begge kom heim med Eirik Kvalfoss sin vandrepremie for 2011!
Resultat laurdag:
G 16
Isak Flo Bødal (1), Lars Midthjell Gjørven (12),
Martin Løvlid (30), Trygve Aaland Tryggestad (32),
Ivar Sakkarias Ringdal Sæter (57)
J 16
Mari Sollid Eide (7),  Kristin Heggen (31)
G 15
Fredrik Munch Starheim (38), Jørn Smørdal Botn (42), Georg Kristian Halsteinslid (44), Erlend Solhaug Myklebust (57), Erik Raknes Forthun (76)
J 15
Aina Sofie Bakke (1), Andrea Skeide Bakke (4)

Og kva skjedde søndag? Mellom anna dette:
 Andrea Skeide Bakke fekk 1. plass i J 15, Aina Sofie Bakke kom på 2. plass i same klasse og Isak Flo Bødal vann klasse G 16!

Klikk på bileta til høgre og sjå webalbum! Takk til fotograf Sigbjørn. Fleire bilete finn du her.
 
Endra reglar for huereklame rekrutt
 Korrigert 31. januar 2011
Det kjem nye reklamereglar for huene til rekruttane med det første.
 

 

Siste smørjetur
 Publisert  23. januar 2011

Medan mange har hamna i trøbbel grunna ein og annan smørjetur, er det ikkje mange i Fjordfylket som har vore på fleire smørjeturar enn Olav Brendehaug. NC2 til Brumundal førre helg var siste smørjeturen til Olav. Han har vore å finne bak i bussane våre eller i meir eller mindre tilrettelagde smørjerom i meir enn ti år no, i trufast teneste for Nordfjord Team Skiskyting.
Det har vorte mange turar både med og utan buss desse åra. Olav ser tilbake på denne tida med stor glede. Noko av det kjekkaste var å smørje vinnarskia til Tarjei under NM på Lillehammer. Elles hugsar han spesielt turen til Soknedal med den gamle, ombygde "brødbilbussen" vår. Verstyresmaktene sørga for eit veldig snøver, vindusviskarane rauk, det vart naudovernatting på Dombås og heimtur om Åndalsnes. Men bortsett frå ein liten bulk og ein uventa tur i grøfta, har bussturane gått fint. Han innrømmer likevel at enkelte av turane vart veldig lange. No har Olav lyst til å bruke meir tid på hobbyane sine, mellom anna skigåing og fjellturar.
"Skal du ikkje sjå fellesstart kvinner? Den startar no" seier Olav brått. Då skjønar vevmeister at telefonpraten er over for denne gongen. Både teamleiinga og skiskyttarane sender ei stor takk til Olav for innsatsen han har lagt ned for teamet vårt alle desse åra!.
 

 		 Bilete frå NC2
 Publisert 18. januar 2011
Magne Hjelle tok store mengder flotte bilete frå NC2. Grunna for liten minnepinne kjem ikkje på langt nær alle med i denne porsjonen, men det kjem alså fleire bilete seinare. Takk til den trufaste fotografen vår!
Klikk på den stolte klassevinnaren Johannes til venstre, og vips så er du inne i webalbumet. Denne gongen trør vi til med ekstra store bilete dersom du klikkar på ikona. Bileta kan lastast ned og ;-)
Her er dei 58 siste bileta!
Krinsrenn sprint Hornindal
 Publisert 18. januar 2011
Søndag 16. var det sprintrenn i Hornindal. Her er resultatlista for dei rangerte klassene.
 
Kjemperesultat i NC2!!!
 Retta 18. januar 2011
No har eg endeleg funne dei offisielle resultata frå søndagens sprint i NC2 på Veldre Sag. Her er det korrekte oversynet over dei frå TSN som kom mellom dei 10 beste:
K17: Heidi nr 4!
M17: Johan Eirik nr 1!
M18: Johannes nr 1, Jarle nr 7, Pål Andre nr 10!
K20-21: Sigrid nr 10!
Dette har vore ei fantastisk helg for teamet vårt! Gratulerer med innsatsen til dykk alle, enten du køyrde bussen, sørga for overnatting, koka maten, smurde skia, såg i kikkerten, sekunderte, heia i motbakkane eller fossa fram i løypene! Dei offisielle resultata finn du her.
Send gjerne bilete i normal oppløysing til nils.ola@frisurf.no!
 
NC2 Brumund
 Publisert 15. januar 2011
Dei offisielle resultata frå Veldre Sag viser at Johannes T. B. har sikra seg ein fenomenalt god 1.plass i M18, Johan Eirik M. har gått i mål som nr. 3 i M17 og Sigrid H. kom inn på 4.plass i K20-21. Så no er det berre å la korken flyge i taket på dei siste flaskene med julebrus!
Gratulerer med mange flotte resultat til dykk alle som har trakka beinharde motbakkar på Veldre Sag i dag!
Her finn du resultatlista for TSN sine skiskyttarar. Komplette lister kan du sjå her.
 


Foto: www.mjosski.no 

KM Markane 8. og 9. januar
 Publisert 09.01.2011

Denne helga var det KM i Markane. 123 skiskyttarar starta laurdag og det var gledeleg å sjå Vikjene på "gamle" trakter! Skiskyttarane frå Volda reiste heim med fleire medaljar både laurdag og søndag. Løypene på Ullsheim var flotte og standplassen var fantastisk fin. Austavinden som bles frå alle kantar var det ikkje stort å gjere med.
Dette var eit godt gjennomføret arrangement. Både Rune Otterdal og Rune Totland har sendt oss flotte bilete frå renna i helga. TAKK til dykk begge! Du finn lenke til resultatlister og to webalbum på terminlista, bruk venstremenyen! Du finn bilete både av store og små her ;-)
 
Revidert terminliste
 Publisert 06.01.2011
Hei! I dag har eg lagt ut ny versjon av terminlista. Det nye er at du også finn lenke til resultat og bilete på lista. Vevmeister vil vone at dette gjer det enklare for alle å finne det dei ser etter på sidene våre ;-) Bruk venstremenyen!
 
Hei -  og GODT NYTTÅR  til dykk alle!
Publisert 04.01.2011
Ja, så er vi igang med ny sesong og to renn er allereie arrangert med god deltaking!
Oppsette renn 15. og 16 januar i Hornindal:
Viser til utsendt invitasjon frå Rune Otterdal om renn søndag 16.01. Terminlista blir endra slik at det blir renn berre den dagen og ikkje laurdag 15.01. Det var sagt tidlegare at dersom det vart renn før jul, skulle Hornindal få høve til å ha berre eitt renn denne helga om dei ynskte det.
Informasjon på heimesida:
Vedrørande heimesida  til krinsen, har vi pr i dag ikkje folk som kan ta seg av å oppdatere denne. Dersom nokon av dykk har tips om einkvan som kan gjere dette arbeidet, er vi glade for å få tilbakemelding om det ! Informasjon blir lagt ut på heimesida til Team Statkraft Nordfjord: www.nordfjordteam.no av Nils Ola. Håper de som arrangerer kan ta dykk tid til å skrive nokre ord om renna. Nokon av dykk er flinke til å sende bilete, og det er flott! Det er fint om de kan sende resultat frå renna direkte til han på e-postadresse: nils.ola@frisurf.no, slik at dei kjem inn på sida så snart som råd er.
 
 Inndeling i klasser
Etter vedtak på krinstinget i 2010, skal KM og LM arrangerast med reine årsklasser. På denne måten har vi lik praksis med Hordaland.
I dei andre renna har arrangøren høve til å velge om dei vil køyre reine årsklasser eller slå saman slik vi har brukt å gjere ut ifrå tal på påmelde. Det er ikkje sett noko grense for kor mange påmelde det må vere før klassene blir delte.
mvh Sogn og Fjordane Skiskyttarkrins v/Marit Hjelle
 
Romjulsrenn på Ålandsleitet
 Publisert 31.12.2010
4. juledag vart det tradisjonelle Romjulstenner på Ålandsleitet skipa til. Rune Otterdal har sendt oss ein heil haug med flotte bilete som du kan sjå her.

Den komplette resultatlista kan du lese her.
Flott krinsrenn i Hornindal
 Publisert 14.12.2010
På søndag gjekk det første skiskyttarrennet i Sogn og Fjordane av stabelen i Hornindal. Etter bileta å døme var forholda gode og heile 94 store og små skiskyttarar stilte til start. Dette er gledeleg. Enno meir gledeleg er det sikkert for skiskyttarane i Volda som reiste heim med ein flott førsteplass! Du finn komplett resultatliste for rangerte deltakarar her.
Helge Otterdal har sendt oss 236 bilete av det som gjekk føre seg av skiskyting i Fjordfylket denne helga. Takk skal du ha, Helge! Klikk på biletet av Rune til venstre så får du sjå webalbumet. Dobbelklikk på ikona for å sjå dei i full storleik.

Ny siger til Tarjei!
Publisert 11.12.2010
Ingen var i nærleiken av å truge Tarjei på jaktstarten i Hochfilzen idag, han leia frå start til mål. Med 19 av 20 moglege treff, er det ei glede for team og krins å kunne gratulere deg med sigeren idag og! Du finn resten av resultatlista her.

Her legg Tarjei ut på dei siste 2,5 kilometrane etter siste skyting. Biletkjelde: NRK 
Siger til Tarjei i Hochfilzen!
Publisert 10.12.2010
Under verdscuprennet idag i 10 km sprint, vann Tarjei Bø frå Stryn og Markane sin aller første siger i verdscupen. Han gjekk i mål heile 27,5 før Sergej Sednev, som kom på 2. plass.
Det var tett snøver under sprinten i Hochfilzen og dette skapte svært vanskelege tilhøve på standplass. Tilhøva vart verre og verre utover i rennet. Tarjei fortel til NRK at han prøvde å snu dette til noko positivt og at alle dei andre skiskyttarane sikkert hadde det enno verre enn han sjølv.
Team Statkraft Nordfjord og Sogn og Fjordane Skiskyttarkrins sender våre varmaste gratulasjonar til deg, Tarjei! I morgon er det jaktstart, dette vert spennande!
Resten av resultata frå rennet idag kan du sjå her.

Det snødde godt då Tarjei skaut! Foto: NRK
 
Bilete frå NC1 Trondheim
Publisert 09.12.2010
 Magne har sendt bilete frå renna i Trondheim denne helga. Vi nyttar høve til å vise fram eit "nytt" fjes på sida vår, Heidi som vart nr. 3 i det første noregscuprennet ho deltok i. Klikk på biletet av Heidi til høgre for å heile sjå albumet på 116 bilete. Ei stor takk til fotograf Magne som tok seg tid til å knipse bilete i tillegg til mange andre gjeremål desse dagane!
 
Korrekt reklame på vest ++
Publisert 06.12.2010
 Vi har lagt ut bilete av korrekt reklame for vest. Sjekk meny "Draktreklame" eller klikk på biletet til høgre for å sjå det i full storleik.
Etter oppmoding frå Frende forsikring er Johan Kaggestad si innleiing frå ToppIdrett i Sogndal i april 2010 fjerna frå sidene våre.
 
 
 Statkraft Cup 1: Johannes, Heidi og Jarle på pallen!
Publisert 06.12.2010
 Denne tevlinga som skulle ha gått i Folldal, vart flytta til Saupstad skisenter grunna kulde. Laurdag 4. desember var det normal, men ingen frå TSN var mellom dei 10 beste. Sjå resultata her.
Søndag var det sprintdistanse og her gjekk det betre: 1.plass til Johannes, 3.plass til Jarle og 7.plass til Pål Andre i M18! Mellom dei 10 beste finn vi Heidi Flo Bødal som vart nr 3 i klasse K17 og Sigrid Hjelle som vart nr. 9 i klasse k20-21. Komplett resultatliste ligg her.
 
Kjempehelg på Beitostølen!
Publisert 16.11.2010
 "Våre 2 landslagsutøvarar markerte seg skikkeleg i helga, Tarjei med siger på sprinten og Ronny med jamt sterke prestasjonar både i spesiallangrenn og i skiskyting. Stor merksemd fekk også Johannes, med 2 godt gjennomførte konkurransar kvalifiserte han seg direkte til Europacuprenna som går på Beitostølen 27.-28. november. Veldig artig å følge Johannes både på sprinten og fellesstarten. På sprinten låg han like bak Tarjei ut etter 1. skyting, og på fellesstarten heldt han følgje med Bjørndalen heilt inn til 3. skyting!!!
I forbindelse med opningsrenna vart det også delt ut Vitalstipend. Johan Eirik fekk tildelt kr 5000 for siger i hovedlandsrennet, medan Markane IL fekk kr 12500 i klubbstipend for siger i 16 års klassen på hovedlandsrennet. Ole Einar Bjørndalen var prisutdelar på banketten." Dette fortel John Roger som også har sendt oss dei flotte bileta nedanfor:

Tarjei øverst på pallen!

Ronny i flott driv!

Tarjei i løypa!

 12.500 blanke kroner til Markane!
Terminliste 2010 - 2011
Publisert 08.11.2010
 No er terminlista for komande sesong klar, du finn ho i hovudmenyen til venstre eller her. Du kan og laste ned lista i Excel-format her.
 
Elles må vi sjølvsagt nytte høvet til å gratulere Tarjei med glimrande resultat på Sjusjøen denne helga, der både Emil H. og Ole Einar B. måtte sjå seg slått!
Det har vore lite nytt på desse sidene ei stund no - rett og slett fordi det ikkje har vore noko spesielt å skrive om. Men ikkje fortvil - dette rettar seg no frametter.
 
Vevmeister kjem rett frå Vik no i kveld. I fall nokon skulle lure - det er ytterst beskjedent med snø hos Vikjene.
 
Grattis, Tarjei!
(Arkivfoto)
Skiskyttarnytt sesongen 2010 - 2011
Oppdatert 11.09.2010
 Vi har lagt ut informasjon om arbeidsforedeling, grov samlingsplan, samlingsplan for rekruttar og oversyn over støtteapparatet. Du finn desse dokumenta samla under meny "Info 2010 - 2011".
 
Elles har Arne bestemt seg for ikkje å satse vidare på skiskyting på nasjonalt nivå. No satsar han på ei musikalsk karriere i staden. Råstoff til den første demoplata vart lagt på disk i Gymmen Rockescene seine nattetimar denne veka. Følg med!
 
Og for vevmeister sin del, vert dette siste sesongen eg driv desse heimesidene og formidlar resultat og bilete til aviser og klubbar.

Eldre nyhende denne sesongen

 

Rulleskibana på Ullsheim godt igang!
Oppdatert 24.08.2010
 Bygging av rulleskibane på Ullsheim er i full gang! Målet er å ferdigstille denne i haust, dersom "ver og føre" er bra framover. Ved gjennomgang av løypa i sommar var Tarjei veldig fornøgd med traseval, profil m.m. Lengste løypa blir ei skikkeleg "jobbeløype", så her vil våre TSN-løparar legge grunnlaget for mange pall-plasseringar framover fortel Klemet. Her finn du fleire bilete.

 

God sommar!
Publisert 25.06.2010
Vevmeister vil takke dykk alle for ein strålande TSN-sesong. Samstundes vil eg og og ynske ei handfull nye skiskyttarar velkomne i Teamet.
Sidan sist: Vik IL Skiskyting har søkt om overflytting til Hordaland krins. Det er grunn til å tru at dette vert innvilga av Skiskyttarforbundet. Dette betyr at vi i framtida berre får tevle mot Vikjene i landsdels- og nasjonale renn.
Breiband i Teamet: Styret i TSN har kjøpt inn ein ICE-router som skal halde Teamet med breiband på samlingar og tevlingar kringom i Furet Værbitt. Dette er nøyaktig same utstyr som vi innimellom har fått låne med SFE tidlegare. Dette vil gjere sekundering lettare, distribusjon av bilete/nyhende til vevmeister og aviser VELDIG mykje lettare og dei som tar med PC-ane sine vil stort sett kunne vere på nett når dei har behov for det. Eg nemner i fleng behov for skulearbeid/classfronter/msn/fjesbok/twitter/piratebay og så bortetter...

Og no er det alså sommar. Det er vel ikkje berre trening i regnveret? Mellom 100 og 150 er innom sidene våre kvar veke midt på blanke sommaren. Med andre ord er det "nokon" som ser etter nyhende, men no er det lite å fortelje om. Kva gjer de på alle saman i TSN? Send meg nokre ord, bilete eller sms-ar så skal eg med glede putte dette på sida vår så sant eg finn ein PC.
Eg veit sjølvsagt kva Arne gjer - bortsett frå å jobbe i Stryn Energi. Følg denne lenka så får du eitt av svara. Du finn han snart med gitaren på friluftscena under Malakoff-festivalen saman med ein annan kjenning, eks-skiskyttaren Espen Aaland. Her kan du sjå frå debutkonserten. Og så er han ein av dei to eigarane til MS "Fades1" med 8 HK Sabb diesel og det heile... (Biletet over)
Men som sagt: Send meg nokre ord om kva DU driv med. Retteleg god sommar til dykk alle!